Personal Blog a ni bawk a, fate thlalak post chiam pawh a inthlahrunawm em loh ang chu maw. Tun tum chu thiam ang ang a Photoshop CS3 hmanga ka chei ran vel a ni tlats. Photoshoped photo ngaihsan loh hi thil theih ve tak a ni. Mahse Nalh kan tih zawng a inang lo thei viau, kei chuan camera raw picture ngau ngau lo deuh thlir hi a nawm chang a awm ve thinin ka hria. Thiam tak maiin PS a thlalak an han chei danglam vel te hi ka en tam zawk zuk ni tlat a. Exhibition leh Competition lamah kan in rawlh ve ngam tak tak lo bawk a :D
Pic 1: A naupang lam atangin tran ang. Johan Thantluanga. Age 4.3 months. Location, kan bungalow, Assam. Lak hun chhun dar 11 vel. Lak chhan : Nau pawm ngawr ngawr hi ka taima lo khawp mai, hetia a ghari -a thut tir a nawr vel hi ka peih tawk a ni! A thla laksak nen. Nu ber nen erawh in melhrum chang a awm lo thei lo :)
Pic 2: Hei chu ka photoshop vak lo. Sairang Tlawng lui-a kan picnic a mi. Ka notebook wallpaper ah ka hmang reng thin. Amah tak hian mawi a inti. Evelyn. Age 3.8 yrs. Mood : Vawt ti, khur deuh bep bep!
Pic 3 : A u kawr hlui a ha tawk ve chiah! Rustic deuh, sepia si, a kawr rawng chi thlak lang si a han tihdanglam vel hi a nuam ve a. Mawi tak phei chu a ni law. Evelyn tho. Mood : Nalh inti.
Pic 4: A tap zo chiah a ni tih awih a har khawp mai. Naupang rilru thianghlim zia ngaihtuah hian, Lal Isua'n kan awm dan tura a duh anga awm hi thil har tak a va ni em!!
Pic 5: Esther. Age: 7.8 yrs. Mood : Inti nula awih awih!! Ka fanu hi ka va han duat tak em. Nu leh pa chuan a bu delh delh hi kan lo duat mai a nih awm hi maw. Tunah chuan Pathian zarah a tet zual laia a medical problem neih thin te a nei ta lo. Tawngtaina a dawng nasa bawk a, Pathianin a chhang a, hrisel tha tak in min ti hlimtu ber a ni ta. Pathian hi chu a va tha em!!
Pic 6: Evelyn tho. Nalh a inti awih awih em a, ti tel ve leh ang.
Pic 7: Esther. A pi Te-i'n a sam a khuihsak lai. Duh aiin a rustic mah mah em aw, ka photoshop dan hi. Mahse a ti classic ve in ka hre si a.
Pic 8: Esther: A nau pawh a pawm thei tawh a nia, nula ve tawh tak chu a ni. Mu tho hlim ve ve an ni bawk a, an phuai deuh. Pa tan chuan a mawi lohna a awm chuang lo. Hmangaihna mit hi chu a tha teh e.
19 comments:
Nalh hlawm khawp mai. Pic 3 leh 6-a Apuii inti nula lutuk khi ka nuìh a ti za...an ngaìhawm reuh khawp mai.
Chawlh neih chuan rawn phei tur ani.keimahin awm a,midang an haw vek a.a lonely theih khawp mai.hehe..
Mama,amc.
@mam, a van khawhar thlak dawn ve, rawn phei rawh. Naktuk pawh kan inkhawm theih loh hmel, Club ah Children Meet a nia, naupang ho an participate ve dawn sia.
A siam lam a i tui zia chiah kan hre thin a.A enkawl zui lam pawh i uluk hle ni in a hriat theih a , lawmawm e.Siamtu malsawmna chu a bur a bur in lo khum luk luk zel teh u!!
Depth of field/light/shutter lens speed/space ratio/aperture speed ..etc chu hei aia nalh deuh a tih dan tur awm chu rilru ah alang a,mahse sawina hmun em em pawh anih loh hi, insum hrih ang :D
NB:Mawiteii pic ava awm ve lo ve !!
An van hmelthra hlawm phuk phuk ve!! Nangmah an chhun lo hlauh hi chu a lawmawm khawp mai lol. I fanu upa zawk hi a nulat hunah a la hmelthra viau ang....a hmaifang a fuh lutuk.
-pi
An hmeltha hlawm khawp mai. Vannei tak chu i ni hotupa. Chuan i photoshop pawh a profe khawp mai. CS3 maw i hman? Kei chuan CS8 ka hmang mek, he version chu a changkang tawh lutuk, engmah pawh khawih a ngai lo, a mah in a edit tawp :D
@myself : DOF, SS hahaha, tiang lama mi ril tan te chuan sawina hmun leh hmun lo a awm chuang hleinem... han sawi re re teh :) Mawitei hi misual tlanbo an sawi ang mai, thlalak sak hi zu duh teh tlat lova maw le :))
@A Pi : Keimah min chhun viau hlawm emaw ka tia, mahni hi chu inhriat a lo har fu a nih hi a :)) Nia, mahse a hmaiah khian birthmark a awm a, engtika tihreh chi nge niang, nang tiang lama mi ril?
@Illusionaire Thank You. In rawn tei luh ve hi chuan phuisui sawtin ka inhre thin. CS8 hahaha... i advance mah mah :))I hre tho na chu midang lo chhiar ve tan... CS version 8.0 i tihna a nih ka ring, CS3 chu CS version 10.0 !!! CS4 kha ka khawl hian a zo ve lo a niang, a hang zel. CS5 pawh ka download na chu, keimah leh ka Hardware upgrade hunah... PS7 pawh kha tawk tiu teu tak chu a ni.
Fa i va nei tha phek phuk ve!!! Mawi ve mai mai.
Hei kan khua ah te inlo INBUAL vel ani maw...:-D
e khai puii te unau chu an va ngaihawm ve le, an lo fel tawh hle mai. naute pawh a hmel tha hle mai, nu ber thlalak han dah tel law law la ti nia.
As_K
In fate chuan a tha lai lai an chhun lawr a, an hmel pawh a tha phian mai a!! :)
johan-a chu ka va sik trap chak e! :) a pa a chhun vaih chuan nula rilru na an pun belh treuh ang ti a hlauhawm mang e!
a va han nalh hlom tak em!!an ngaihawm hlom reuh bok si....apuii mawlh khi...
-dibrugarh Chocolate-a U chiah.
@anonymous : hehe thanks. Welcome.
@AS_Khiangte : ia, keini tak hian a nia khalam chu rawn ngai ni. Thanks.
@Keimah : Hehehe, chutia mi, Hlimpui Khuang Vuak Fung an sawi ang maiin an bawk fir fer a ni zawk lo maw? Hmangaihna mitin kan thlir mawi ve mai mai pawh a, nu leh pa chuan :))
wonderboy : Naupang picture lamah chuan rawn tei lut ve nawlh mai a lawm, hla vak tawh lo turah kan ngai :))
CK-King : Chocolate-a pawh tun tum chu a haw zing kahwp mai, a awm hman meuh lo, Khawmpui zawh hma min haw pui a promise keep leh tak loh khan nuih a la ti za tawp thei lo. I hria em aw, mihring happening turu lutuk pakhat a awm, mama te hostel lamah, zawt rawh :))
Fate thlalak hi atchilh a awl duh khawp mai, kei pawh ka ti leh chiam thin. A duhawm hle mai.
@Te-a : Nia, uar a awl dawn khawp mai hei. Kan khatliam a ni ber ang chu :) Thanks.
Johana chu a va chum buang buang ve, Esther-i lah a zeiin a hmeltha bawk si. Khitiang siamchhuak tur khi chuan formula engemaw tak chu a awm ang maw le, boss, i vannei ot ot hle mai!
-Irre
Hotupa i hrai te chu an van duh awm veeee lawm hi an ti im a sin !!
dumput
@Irre & Dumput : Kan hmeltha pahnih in min rawn comment sak ve hlauh chu, a va lawmawm em!! Rawn lang ve zauh zauh teh u, in ngaihawm a lawm le :)
A u kawr hlui a hak lai thlalak khi a nalh hle mai.
a composition lampang chu ka sawi thiamlo a ka hre ve lo pic no 2 khi keimahah chuan nalh ka ti ber a, tin, a en a nuam...ka hrethiam a boruak tur ahaha...thlalak tha tak an ni vek e
Post a Comment