Photographic Forum velah te ka leng kual mai mai a, an thlalak hmuh a van nuam thin tak em. An comment te hlei hlei chhiar a nuam. A ham a ham duak duak mai ka duh hial awm e. Thil pakhat an sawi ngun em em leh an ngaihpawimawh ber mai ka lo notice chu, thlalak Sharp leh Composition a ni. A gear lam hi a sawina hmun a awm bawk a, an mix up lem lo.
A pawimawh ta ber nia ka hmuh chu, eng gear pawh nei ila, kan lens hman in a lak SHARP theih tawk a lak a ni. COMPOSITION erawh kan kut ami liau liau a ni. Eng angle in nge, Khawi chin nge, Veh hnaih deuh zoom deuh a ngai em, frame chhunga awm tur chin, a tung zawng in nge a vang zawngin, focus lai tur kha khawi position ah nge kan dah..... a tam mai.
Pic 1. He pangpar kuhmum hi ka post tawh, a kuhmum kha a par ve reng emaw ka ti a, hei a par tak a rawn chhuak a, te hle mahse, bih chian chuan a mawi ve khawp mai. Sawi tawh ang khan, eng par nge a nih tih lam ai mahin a picture a sharp em, composition leh color balance a tha em tih kha kan vawm bei chhan zawk tak chu a ni
Pic 2. Tuktin Par ni maw... Hlobet zingah an rawn chawr ngawk a, an par vat a, ni khat hnuah an liam leh mai thin. Hringnun pawh hi kan hun tawp lam atanga thlir ni ta ila, chutiang chu kan hringnun kan hmuh dan tur a nih ka ring. chutin sawi duah mah ila, ka post chhan tak zawk chu Sharp sharp sharp.... a ni e :)
Pic 3: Berul Par hi Abigail-i pa lak kha mawi hi kan ti khawp a, ka tum ve thin a, ka la fuh thei der lo mai a, bakah a par hi, mak reuh khawp mai, Ni a hmuh chuan a kum hlen zel, a parh herh lai la tur chuan khawdur / zing ni chhuah hma deuh a ngai. Vawi engemaw zat ka tum hnuah heti hian ka chhuah thei tawk, duhthu a la sam lo, a te em a, ka D3000+kit lens hian a bih hnai lutuk thei si lova, ka thiam tawk a ni e.
Pic 4: Hei pawh a chung ami ang tho, ka bei nasa bawk a, pahnih hnih dah teng.
Pic 5. Khuai tereuh te hian kan sap-hmarcha (Bhoot jalakia) par a rawn bawm thin a, a kat nelh nelh a, lak a har reuh khawp mai. Bih hnai vak a theih si lohva, ka post chhan tak, SHARP duh angin a pho chhuak lem lo, a grain mah mah bawk, Duh aiin contrast ka lo pe tam bawk. Mahse kan ti lang ve re re a nge.
Pic 6: Bonus Pic angreng in kan in lane kawng te hi ti lang ve mai mai ang. Vawiin chawlh a nia, a phiat fai tu te an lo kal loh hi a lang fu, mahni pawn phiah ve mai awm hi, kan peih ta thin lo!
15 comments:
pangpar lamah hi chuan ka zero a...chutiang bawkin thlalak sharp/contrast/DOF tih vel comment tur chuan ka zero leh tho bawk :D
in in bawr vel erawh a nawm hmel hle mai...a lum leh uap leh etc etc vel kha delete in a nawm hmel ka ti tops..zinah min sawm ta la, sawm thluk kan awl viauvin ka ring :)
@VC, Krismas Zoramah in chhuak a ngem? In chhuah dawn chuan Via GHY in kal ula, ka lo mikhual zan zan ang che u. Kan vengah sangha tui bawn turu a awm :))
a nalh latuk thloitsssss....min zirtir ve ngei ngei rawh aw........ kan save leh mial mial ange
Mawi hlawm hle mai. Keipawh SLR neih hun chuan ka che viau ang. Mahse kawr sira thil mawi leh dangdai thla han lak chak hmuh te hian mahni motor khalh te a lo nih lemloh hi chuan leh thu ber te nih loh hi chuan han din chat hi a hautak thin a. In leh a chhehvela mi hi chu ka la kim thawkhat tawh.
I pangpar ho khi i edit leh lo a ang kava ti. A aia a sharp/clear theih kava ring e
Khuai awmna photo khi ka hauh e! Khawvel hobby-photographer ah hian i improve nasa ber mai awm e! I dek nalh tulh² mai. A hrim² in pi finali hian a convince hneh khawp che in ka hria...pangpar lam i uar em mai :-)
-bmw
@amuana: hehehe, bei zahthlak veee... min la zirtir zawk ang chu maw le. Celeb. in kan thlalak in lo save duh te chu malsawmna chi khat a ni khawp mai :)
@RS-a : In bul vel a mi hi a tha, uluk tawkin a lak theih a :) Nia han ti tak tak teh... Pangpar.. nia, a ai chuan a lak sharp theih hrim hrim, ka thiam tawk a la ni rih. Thanks.
@BMW : You are my INSPIRATIONS!!! I comment hi a va hlu thin tak em, nge i thiam vang hrim hrim!! Himalaya tlang ah pawh vur i hralh thei ang maw le, nang chuan :))
Pangpar!! hehehe, tih leh hun chu Subject ah Khelawk hmang tawh ila a tha ang :))
A vai khian a nalh ropui vek e
hmuh a nuam thin e..i blog hi ka tlawh zin tehlul nen i update khat thei deuh..chhawlhal a fah zo lo deuh thin..he he..thilthar kanlo chang reng thin a nia..tang zel rawh..
ruata
@A_Es : Teh hlawl che chuan, Thanks. I hmel a tha sawt :)
@ruata: Nia, regular deuh kan tum tawh a nge, ti lawmawm hle mai..
Thlalak chu thiam tawh sa ni tho a,thiam lehzual tawh ni khi mole...Post hnuhnung apiang a nalh tulh2 mai nih khi!!Inzir peih tlauh2 hmel bok a..Profsnl photographer nen i kutchhuak a danglamna keini phei chuan kan hre hrang top nang..Nicky cruz-a thianpa nge2....
Mama,amc
I thlalak han en chian hian, Nature te hi belhchian chuan an lo va hlu tak em aw... tiin riruah a lo lang thin. Picture 3 & 4 na khi enchian in a ropui reuh riau mai..
@Mama : hehehe... Thanks. Very Much. Kan la ti dawn chauh a ang, hei.
@b-buata : Ni e tiraw, Pathian thil siam hi a ropui asin, Chance mai mai vang a ni lo tih hi ka ring nghet khawp mai. Thanks.
camera a tha nge i la thiam hrim hrim nge a pahniha belhkhawm? sharp, contrast, composition a engamah ka hrethiam lo vek na-a i thlalak a nalh tih chu ka hmuthiam e..
la zel rawh, a hmuhnawm a ni tawp mai.
Ka comment tawh khan ka hre sia!
Analh hlawm e. Sap hmarcha i tih khi, Raja hmarcha kan tih thin kha ani em ? NAGA hovin an duh deuhkha.
Natural light hi flash ai chuan a nalh zawk daih alawm..a chhan chu flash kha chuan a colour temperature vel te a ti lang dang thei tlat alawm.
rule of third i ngai pawimawh tawk lova,aperture khi tlem in ti zim deuh se la, focal length ti tlem deuh bawk la, chuan a subject a chiang leh zual zawk in a rinawm e. Kumin May thla vel atanga photography ti ve tan chauh kut chhuak atan chuan nalh tak chu ani reng reng e :))
Post a Comment