Thursday, January 20, 2011

Kan Haw! (Pic Post)

Update khat ngar ngar bawk a, a lo hmuar hman tep a lawm le.... A zia lo hle mai. Run dalah update ang aw.

Kritmat leh Kumthar hmang turin Aizawl lamah kan haw chhova, thla lak lam pawh a lang vak lo a niang, Camera pawh ka hawn lova. In kan thleng, ni hnih khat kan cham hnu chuan thlalak tur a lo tam ngang mai a, ka nau Camera (D50 + 18-135mm non-VR lens) ka hmansak ta hle. Ka hman thin nen a lo inang lo viau mai a, ka khawr hle. Bakah Lens hian kut khur deuh leh thil che deuh a ngaithei lo riau mai a, zoom hman loh theih thin si lova, thlalak a quality a kual tha lo khawp mai.

Engpawhnise, sawi kur dup lovin, ka picture neih ang ang hi bel mawlh mawlh phawt mai teh ang, a tahtawl te te in.

Pic 1. Lengpui Airport pawn lei han rah chiah hi chu a van nuam thin tak em, kan hlim. Min nghak tu te pawh an hlim!


Pic 2: Chhangchhe Pa a lo ni tawh mai thei, Masi bazaar tur meuh chuan tu te pawh puak nawl nawl mai tur, a boruak in a zir em a lawm.


Pic 3: Puakpuan ken loh pawn pawm nawlh mai tur. Tu te duat hi na deuh tur asin!


Pic 4: Pawm ringawt zawng, ban a kham duh em mai... hlim erawh hlim ila..


Pic 5: "Mate khi khi la zawk ila, ka pi, khi khi engzah man nge?"


Pic 6: 'A nu hian hei hi min leisak se ka van ti"


Pic 7: "Saw ta mi sawn min dawr thut mai selah.... ka lakna aia tlawm pawn ani saw chu ka pe hrim hrim ang"


Pic 8:"Khawchhak churut lo hi chuan hrawk a fah tak tak lo a ni e"


Pic 9:Thil zawrhlai hi ven that tur, khawdang hawisan loh tur, an khai daih mai ang.


Pic 10: Media Vana pawn mutmu a tuah hman meuh dawn maw ni awwwww...


A tam ta, update leh hunah a dang chu ti tawh mai ang. Pathian zarah tluang takin Krismas chawlh kan hmang thei a. Naupang damdawi lama tlanpui chuk chuk ngai lovin kan tlingtla thei a, a lawmawm khawp mai. Kumthar chibai ule.

16 comments:

sekibuhchhuak said...

I thlalak hi afiah thei bik ! Kumthar chibai le!In nu hi a intellectual hmel ka ti.

David Ralte said...

Thanks, Boss. Very nice of you :)
Mahni aiin fing se kan nei duh nang, kan bum thluk theih sang ber a nia kan neih deuh zel ni... hahaha

Anonymous said...

Hmuhnawm hle mai. Naupang ngun keng leh sangha zuar photo khi fuh zual bikin ka hria.

Hetia bazar a camera lian nen han vah kual vel hi keichu ka ngam thathum lovang. Zakzum deuh tan chuan photographer nih a har duh hmel e :-)

-bmw

dula said...

mit a tlai hle mai...nitin a kan thil hmuh ve reng ..kan tlan pel mai mai ang chi hi nangni mit leh hnar fing chuan a lem in inhan entir a, ennawm mak tak thlir in kan lo thlir ve leh dauh dauh zel zawng anih hi maw...."the Lutmang family" Lengpui an lo thleng tur chu lo hre lawk ila chuan pangparthi nen a lo hmuah a chakawm teh lul nen....

A ruk a Luangmual lam a i lenna te pawh pic hmuh lo in beisei ve ngawt ila..kan beidawng lovang chu maw !

David Ralte said...

@BMW: Nia, hihi... zahthlak duh angreng, mahse hmelhriat hmuh chuan kan biru zar zar mai lawm :)

@dula : hehe, kan rawn thlen leh dawn ah hriat tur a nih chu :) Luangmual lamah chuan lenpui i ngai tak tak dawn a ang, nge kan kawmchhak lamah zawk? Sawi chian fawk mai tur :) hahahaha

caribou said...

Mit a tlai mang e. Camera nei nazawng thlala thiam an ni vek kher lo, nang erawh zawng i thlalak a fiahfaiin en a nuam e.

Maach said...
This comment has been removed by the author.
luliana said...

khaw lum lam in pan leh ta poh chu a nia...ka peih loh pui hle mai che u... :) (a chung a mi khi keimah tho, ka u a lo log out lova..hehe)

Jerusha said...

Sunhlu khi ka ei chakk lutukk ka chil a ti put! Pu Seki sawi angin, I pics a fiah tha in a subject te an interesting a en man a awm thei

David Ralte said...

@Caribou : Thank You. In rawn tei lut ve hrim hrim pawh a lawmawm e.

@luliana : Ka u hi i ti jeih jeih a, i lenna lam a nih zawk hmel.. hahaha Tunah chuan a la vawt ve khawp mai hei.

@Jerusha: Thanks. I van fel thin tak em, sunhlu chu ka rawn thawn teuh dawn che mi :)

Jerusha said...

haha min rawn thawn teh. Vai ho sunhlu hi chu lian thlawn, Mizo sunhlu ang in a tui ve lo. Tun kumthar ka rawn haw khan ram kan kal sunhlu a lo rah a, kan lo a a tui em em dan chuu..tawngkamin a sawifiah pha lo. I Mizo sunhlu rawn thawn tur ka lo nghak e :)

David Ralte said...

@Jerusha, a rawn thleng tawh em? hahaha... Kan sunhlu hi a tui asin, a te na chu, i ei ve ah ka it ka hleee mai :)

Bteii Ralte said...

sangha chu a tui hmel kher mai...anthur rep nen chhum in

in chhungkua in hmeltha tlang e :)

David Ralte said...

@Bite, Nia ti raw, a tui nu deuh ohut sela(h) :)
Kan chhungkua khi maw? hehehehe.... kan super model lo tlang a nia :)

ALEXXfender said...

Kan haw velo!!!!!!! tih bak chu comment pawh ka pe peih lo... bik bik a!

anais giada said...

Intropin is the opposite great participant, patch galore others get underage roles. Crescendo dopamine increases libido, and flared L-DOPA levels results in augmented dopamine levels in the intelligence.For more ==== >>>>>> http://www.healthcaresups.com/spartagen-xt-exposed/
Spartagen xt

Post a Comment