Gas Gathering Station.Zoram chhuah chhoh chang hian, zokhua lama awm kan chhungte thenkhat hian, Oil company a thawk ka nih hria in, Khawnvartui sema thawk turah ngar ngar min lo ngai a, engemaw zawng tak chuan a nuihzat thlak ang reng hle a, mahse, anin Oil Company a la hmuh chhun kha chu Petrol Pump ka a nih mai hmel a, a awm viau tho mai. Kan hnathawhna lam hi luhchilh lem lo tan chuan a lo hriat loh theih viau mai dawn a lo ni a. A tawi kim thei ang bera sawi kan tum a nge.
Ka thawhna company hna ber chu Oil leh Gas zawn chhuah, verh, tharchhuah leh pipeline a thawn darh a ni a, a zawnchhuah lam leh a verh lam hi ka hna a nih loh avangin sawi tur ka hre tlem khawp mai. Chuvang chuan keima’n a ka thawh ve chin hrim hrim hi sawi ila, sawi sual a tlem deuh vang chu. Production Gas department ah 1996 atang khan ka thawk ve tan a, Production engineer post a lut ni mahila, kan hna erawh a tam zawk chu Mechanical engineering lam a ni. Tun hnu hian Production lam hi kan khawih ve ta chauh tih mail oh chu.
Oil leh Gas zawnchhuah, verh a nih hnu hian lei chhungril (km 4 -7 thlenga thuk te pawh a ni thei) atanga lak chhuah leh kha khur atanga rawn chhuak, tui, oil leh gas te then hran kha production hna chu a ni tlangpui awm e. A chipchiar chuan well completion (Lei chhungril lama hmanrua kan hman etc) chu ni danga sawiah khek phawt ila, kan thu a sei lutuk loh nan.
Natural Gas chu enge? : Leilung inthlak danglam velin a siam, lei chhungrila gas awm hi Natural Gaas kan tih chu a ni mai a, chemistry lam te kan tui viau anih chuan Hydrocarbons te ti ila, a fiah deuh awm e. Chung chu gas chi hrang hrang, Methane, Ethane, Propane, Butane etc inbelhbawmin a siam a ni a. Methane hi a tam lawr lak a, kan field ah hian 86% atanga 90% hial te pawh methane composition hi a ni thei. LPG kan tih, ina eirawngbawl nan a kan hman thin hi Propane leh Butane inpawlh, tih tui, cylinder chhunga thun an ni.
Engtin nge an lakchhuah? : Gas (Natural gas) hi chi hnihah a then theih a. Associated gas (Oil khur atanga gas rawn chhuak tel ve thin ho hi) leh non-associated gas (Gas khur ve hrim hrim atanga gas rawn chhuak thin hi) tiin. A thar chhuah dan pawh tlemin a dang deuh hlek a
Associated Gas: Oil khur atang hian tui, oil leh gas te hi an rawn chhuak a, chu chu lei pawnlang ah a khur chhung atanga a lo chhuaha lo control na X-Mas tree an tih atang hian pipe in Oil Collecting station (OCS) ah lak a ni thin a. Oil khur thar ah hi chuan leichhunga oil+gas awm te pressure a san thin avangin amahin a rawn chhuak theih mai bakah, hla tak tak thlengin pipe ah an luan tir theih a. Oil khur thar tawh lo (depleted well) chungchang chu a hrana sawi chi a ni. Chung well fluids (oil+gas+water) te chu OCS ah then hran an ni a. Then hran dan pawh hi thuang hinh te, thuang thum tea then an ni thin. Thuang khatna chu HP Stream (250 PSIG) kan ti a, thuang dang leh chu LP Stream (30 PSIG) kan ti. Chung well fluids te then hran an nih hnu chuan then hran dan azir khan gas pawh Thuang hnihin kan hmu / dawng tihna a nih chu. HP gas leh LP Gas tiin. Chung gas thenhran tawh ho lo enkawl chu kan hna a ni. Chung gas te chu keinin Pipeline bawkin Gas Compressor Station ah kan la a. LP Gas hi a pressure a tlem avangin hmanna a tlem hle mai a, hmun hla-ah a thawn theih loh avangin HP gas ah siam a ngai thin. Chu chu compressor hmangin HP Gas ah kan siam thin, Chumi compressor chu Low Pressure Booster (LPB) kan ti. Ni khatah gas 5000000 Cubic Feet kan LPB hian a compress thei, kan compress hma hian gas a bawlhhlawh leh tui awm te pawih chhuah nan Knock Out Vessels leh Mist Extractor kan kaltlang tir phawt thin. Chutiang ang 10 te chu GCS pakhatah a awm ber thin.
Gas CompressorChutia kan compress hnu chuan HP gas ten en khan kan chhun pawlh a, hman tlak a lo ni thin. HP gas chuan tui a pai chuan a kan nat zawng a hniam sawt a, pipeline ah leh a hmanna tur hmunah buaina tam tak a siam theih avangin gas a tui awm te kha paih chhuah vek an ngai thin. Chumi atan chuan KOV bakah Glycol Dehydration Plant (GDU) hi GCS tinah kan nei vek bawk a. Chu mai bakah gas a a composition rit zual hexane + ho kha kan Hydrocarbon Condensate Recovery Plant (HCRP)hmangin kan la chhuak thin. Chuta tanga rawn chhuak condensate kan tih hi en mai chuan tui fim tak ang hi a ni a, chin that loh chuan boruakah a thamral chak em em. Chu chu OCS ah kan thawn let leh a, Crude oil nen an lo mix thin. HP gas kan processed tawh hnu chu a chu hmanna tur a zirin pipeline bawkin hmun hrang hrangah kan thawn darh thin.
Nachina Depleted well kan tih kha well fluids, oil khur atanga amaha rlei pawnlanga awn in pump chhuak zo tawh lo te an ni a. Kan nem muk (Compress) ta vak a. Chumi zuk khai chhoh nan chuan he HP Gas hi kan hmang ve bawk a. 250 PSIG pressure atang chuan 1200 PSIG thlengin Gas Lifter compressor (GL) hmangin gas te kha kan nem muk ta vak a, chu pressure sang tak gas chu depleted well ah kan thun thla a, chu chuan oil amaha rawn chhuak thei tawh lo te kha a zuk khai chhuak thin. Chumai bakah HP Gas te hi market ah kan hralh a, Thingpui Huan company te, Electric siam company te, Fertilisers siam company ten an lei tlangpui. Chu chu kan company sum hmuhna hnar pakhat a ni ve.
Indirect HeaterNon-Associated Gas : Gas khur ve hrim hrim atanga gas kan thar chhuah te hi an ni a. X-Mas tree atangin lei chhungril ami gas te kha kan la chhuak a, a rawn chhuah chak lutuk loh nan Flow control choke kan hmang thin. Kan lak chhuahna pipe hi inchi 2 pipe a ni tlangpui a, chutah chhungah chuan bean (pipe kaw te reuh te) 3mm – 12 mm diameter, kan gas khurin a pressure neih a zirin kan hmang thin. Chutia gas luanna kua kan tih tet thut chuan khalai pipe chhung kha a lo vawt vak thin a, ice hial a insiam thei thin. Pipe chhunga a kaw teruh te kha ice in a hnawh (choked) chuan gas kha a rawn chhuak theih thin loh vangin a temperature Indirect Heater (I-H) hmangin kan ti sang thin. I-H chu tui chhuan so na a ni ber a, a chhungah tui kan thun a, gas burner hmangin tui chu kha zem chhungah vek khan kan tisa a, gas luanna pipe inch 2 kha chu tui sa ah chuan kan kal tir a, chu chuan gas temperature a ti sang a, nachina kan sawi pipeline choked kan tih kha a veng thin. Chutia gas khur atanga gas kan lakchhuah chu HP Stream, OCS ah te kan thawn a, OCS a thawn lo pawhin gas khur 5 / 6 te kha hmun khatah la khawmin Gas ruala rawn chhuak ve condensate leh thil dang te kha kan then hrang ve thin, chutiang chu Gas Productiion Setup kan ti. GCS atanga associated gas 250 PSIG ho nen khan Gas Offtake point ah chung non-associated gas te chu kan chhun fim a, chuta tang chuan market ah kan hralh thin.
Enge ka thawh tak ber: Kan GCS ah hian khawl lian tak tak leh Process Plant te a awm a, chung operate nan chuan Electric te, Air Compressor te, Diesel Engines te leh Nat.Gas engine lian tak tak te a awm a, chumai bakah gas khur hi 7, depleted well a gas thun ngai 20 vel ka enkawl tel ve bawk a, hna chu a tam duh khawp mai. Kan buaina tam ber chu Pipeline (Gas kalna / thawnna) chhia siam that, modification leh a thar siam, compressor leh a khalhtu engine chhe thut leh siam danglam, Pressure Controllers chhe thut te an ni ber. Tuna ka awmna hmunah hian Gas compressors 20 vel kan nei a, GDU Plant 2 leh HCRP 1, Gas well thar 2 a hlui 5 bakah, Gas Pipeline 100 km chuang, Gas Offtake 3, 11 kv Substation 1, chung ho atan engineer 2, leh niar lo hnathawk company mi 39 leh contract labourer 10 te ka enkawl tel bawk a, ni hian min daih lo fo thin.
9 comments:
Uiha! Boss i hnathawh hi a pui reu reu ka ti, mahse khawnvartui sem emaw an ti tlat che hi chu digest har ka ti lituks :-)
@amanda, Pui vak love, mahse mahni tui ve hi chuan a ngaihpawimawh ve theih hle tih mai a ni, ni e, zokhua lama chuan thawk pui chu min ti lo khawp mai... hahaa
kanidari chu hna i thawh tan te chuan keini te chuan college kan rap ve ava nih hmel em
....i thawh lam han sawi zau zel teh ..a ngaihnawm khawp mai..hetiang lam ah hian mizo thawk an tlem em a..hriat pawh a tlem tlan em hi maw le ..kanidar :)
@myself, nia, '96 khan ka thawk tan. Kan la sawi zel ang chu, in lo chhiar peih ve dawn phawt te chuan.
khawnvartui ti pawl tu ngawt kha chu i lo ni lo a ni maw....!!!! u vala of tpi u ka lo hrilh ang ve ange,,hehee..i blog te hi en ve se la,,a ngaisang toh ngot ang che..
Khawnvartui ti pawl... hahaha U Vala of TP-i chu lo hrilh ve rawh, a nui kiah kiah mai thei a ni. Lal-Seka thih postmortem kan nghah vel laiin khawnvartui kha ka sawi a, I van hre rei ve min ti, nui hle...
David chu i fel hle mai, i hnathawh kimchang tak i mizo pui , hmu ve lo emaw hmuh ve na tur chance nei lote tan i thawh thra khups mai. Mite min ngaihsan aiin mahni hi han in ngaisang ve rawih phawt ila , a fuh ngai. tun 7-8 Oct 09 khan Tripura ONGC Gas Gathering Station ( Collecting in tih tak bawk, ONGC kan thawh ve lai a Crude Oil lakkhawmna hmasa GGS Group Gathering Station ) kan tlawha a lunglen thlak hle. Kan thiante kan GT-09 batch puite chu CE (Production) an lo ni tawh a, kan thianpa Negi , Dehradun tlangval nen phei chuan 1991 hnua a kaninhmuh vawi khatna ani nachungin .. Mr Chhangte ,i hmel chu ka hai tawh hle a, i aw (voice) atangin ka la ko dik thei che ani tih i hria em a ti a, ONGC kan zawm tirh a kan sapa tal thin dante kan sawi a, sawi tur kan ngah hle mai. Kan Bombay High Processing platform pakhat SHP a kan kal tirha ei tur kan hniar hnar lutuk a, khawizu kan eihnem lutuk tak avanga ka kua in angeih tak loh avanga ka kaw tha lo te kan sawi chhuak a, kan hlim hle. Oil field / industry hi chu ka ngai thin khawp asin... Mizo tlangval fel tak tak Oil comapny thra tak takah in ,lo inphum zel hi ka lawm ngawt mai. Hei kan ramah pawh GAS bik phei chu kan lai chhuak ve thut dawn niin a lang ta tlats mai. Oil field experience lo nei tawh te'n kan tangkai ve dan tur ngaihtuaha interms of our Mizoram kan lo subject ve tran angai ania.. Zet Uuu ZU in leh in loh hi PR ah a pawimawh lo ber reng a, personality leh approach a pawimawh ber... zu inna hmuna sawi fel hlauh te pawh a awm ve tho asin.. kei zawng Mizotakin official drinker ka la ni hrih a, ka chhuang lo va, ka zahpui hek lo... kan thil tih reng rengah HAWA ni lovin SUBSTANCE a paawimawh ber.. nang leh kei hi kan MIZORAM hian min mamawha, Pathian chakna ring chungin kan dai chin hriatte pawh share zel ila tiraw.. i thianpa Zira ( Marnie-pa ) pawh a la HPCL tluang zela , Mizoram lamah chuan Sumo Ambulance sem thrin kha maw an ti zel tawh asin... thil thra ti tur hian hmel thrat a lo ngai lo, mihlim thei ni tur hian hmelthrat a lo ngailo hle tih Zira hian a show a ni lawm ni...lols would love to peek into your Blog in future.. best of luck and happy dry days buddy
Lalpahriata , IBM, Guwahati
Lalpahriata, I rawn dak lut ve hlauh chu lawmawm hle mai. Ni e, hna lamah theih tawp kan chhuah ve zel chuan kan inhria a, midang hian chutiang tak chuan min hre ve maw!!!
Sumo sema chu ka be leh zauh thin, pipu uai lai biak din tum ang vel ni maw!!!!
Guwahati lamah mi hrang kal ta Subash Chandra Bose hriat reng nan Marnie nu bawngsa tui hang kan la hawp tlang ang chu maw le.
A ngaihnawm hle mai! I awmna hi ka rindan chuan Upper Assam lam anih duh hmel.... Kan beng tivar turin 'thu-tha' ron ziak zel teh.
Post a Comment