Nikum December thla kan haw chu Sairangah Chhungkaw Picnic kan nei ve thung a, hetia chhungkua a han hawi khawthawn hi kum khatah vawi 1 tal neih hram theih chuan, kan tum deuh hram thin. Sairang khua khi December ah pawh chhun ah chuan a vawt chhe lo, Naupang tui chen nan a lum tawk chauh a ni, khua a that chuan.
Pic 1 : Kan thleng hlimhlawt, han buai deuh nuaih nuaih hi chu a tur ve rengah ngai ila, rilru a dam zan mai. A thenin Nihliap an kaihparh a, a then erawh tui lamah an ding nghal thung...
Pic 2 : Group Photo angreng hi chu kan ngaisang, rem leh rem lovin kan han ti leh hram thin a.
Pic 3: Naupangin nuam an va ti em, ram dang khaw dang beach mawi leh nuam tak tak pawh kan thlahlel bik chuang lo a niang, rilru hi a lawm pawimawh le....
Pic 4: Thenkhat chuan an MotorCycle an lo sil bawk.... hawn kawngah bal leh tho dawn mahse, patling tana han chenna tham lui ni hek lo, enge maw lo tih ve kha a nuam ve hranpa a tih thu mai a ni...
Pic 5: A thenin an lo khalh kual bawk, Kurung lamah puitling chen theihna tur awm deuh a awm thin khan ka hria a, ka han en a, miin a kam si retin leipui an lo siam a, keini chhangchhe han daidarh atan chuan an thlai te kha kan uipui deuh nge, kan kal ta lo mai. He pic hi ka hmuh apiangin, "A va Vietnam ve" ka ti ve ziah, Vietnam tlawh ve tawh ang hrimin :)
Pic 6: Thenkhat tan chuan tu leh fa te khawsa vel lo thlir kha a tawk fu a niang, an lo thu mai mai... kal leh hun chu tent ken tawh tur a ni.
Pic 7: mmm... Lawngleng hi keini chuan lawngleng kan ti mai lova, "Row row.." kan ti kher, a fiah bik :) chuan a nuam dalh dalh hle.
Pic 8: A trip hnihna a chuang tur pawh rel fel viau chu a ngai, a nuam lat lat e.
Pic 9: A then erawh lui kamah an lo in pose hle... Ka nu'n, "He nu zahtheih loh zia hi chu awwww.." a ti :) hahaha
Pic 10: Picnic nikhua a a serh zinga a mei ang, Ei leh In lam hi tilang ve re re ang. Tih leh hun chuan Lunch Package khi hotel ami order lovin mahnin siam kan tum. A tui zawk kan beisei a niang, puar erawh kan puar khawp mai.
22 comments:
Tlawng a picnic hian ka lung a len tawp thei dawn lo anih hi..ka pu (ka pi nau) te hi Sairangah an awm a, kan naupan lai chuan kum khatah vawikhat tal Tlawng a chhungkaw picnic neih hi a tur ah kan ngai tawp thin...Bus pakhat leh motor te eng eng emaw in kan in trip thla dam dam fo....
A khua ah pu te awm ta na na na kha chu rawng te hi lui kamah kan bawl vek zel a...hnah ah chaw kan han ei....a va lunglenthlak tak e oooo....
I thlalak quality a kual thra hlawm khawp mai...en a nuam ham ham...
@VC : Nia tiraw, keini pawh chhungte kan nei, Sairangah. Mahse Chhungkaw picnic tihah Patea Putea lam hawl lovin, ka nu leh kan unau & family chiah kan nia, a nuam tawk viau.
Rawng in bawl chawp kha kan sawi ve deuhva, reiek ah kan in bawl chawp tawh a, kan sim ta deuh.
Chuan, i van fel, min rawn comment sak ve duh a :))
Pic # 7 khi a mawi ropui. A hahdam zaih mai. Chhungkaw picnic hi a nuam ngawt mai. Keini chu tuirial lamah kan kal ngun zawk.
KFC ho sairang ah kan la picnic dawn nia :-)
-bmw
Chhungkuaa piknik hi tihfo chi ani. Nikum ka hawn lai khan neih ka rawt a; kan nei thei ta lo.
Naupang hlim hmel hmuh hi chu avan nuam tak me.
I thlalak hi hmuh a nuam....i blog na va rei tawh ve...nupui neih ve vat hi a ngai ani chhungkaw piknik tih ve ka chak tlat akekeke
@BMW : Picnic chu chakawm khawp mai, huau huau lam hi chu ka hnualsuat lo tlangpui :) Pawltlak ah i tum ang u hmiang? Rawn haw chhoh tum la..
@Sekibuhchhuak : Nia, hei kan zawngchhang angreng khawp mai. Pathian malsawmna te pawh a niin ka hria, hlim taka picnic ho theih te hi.
@amuana : Tlangval Fel hmeltha i rawn tei lut hi a van lawmawm em.... Chungkaw picnic chak vang ngawt lo deuh te pawh Nupui neih chak chhan dang a awm ang a.. hehehehe Nghakuai Chiah nia Airport lam.... te pawh kha a tha a lawm le. Nupui hi chu a neih a neih tawp chi, chhut chhut chuan kan in chhut kawt leh nge nge thin :)
Nupui hi chu a neih a neih tawp chi, chhut chhut chuan kan in chhut kawt leh nge nge thin :)
Hei hi a va tha ve ahahahaha.... picnic ngawr ngawr sawi ang a nih.airport lam tih vel sawi tel lovin ahahahah
nawm hmel khop mai. chuan pic 9 khi a lomawm ber KAN ti a nih chu :D
-wonderboy
Pic no 5 "A va Vietnam ve" tih khi engnge a awmzia ber? Bike khalhtupa hmel khi "a vietnam" lai ber chu em ni? :P
Zaktheilo ber khi a nalh ber kei chuan ka ti thung hahaha..
Chhungkaw picnic hi a nuam duh ngawt asin.. In ti tha hle mai, in fa-te tak khian nuam an ti ngawt ang.
BMW khian KFC a rawn sawi ri tlat, ka tel lo khan in lo ti mai mai ang e.. :D a thiang lo ania..
@amuana : Boss, CRP mut ngawt tawh lo hi chuan eng eng emaw sawi fuh mial hi kan nei ve chawk a nia :)) Airport sawi tel lovin :)
@wonderboy : Khi aia nuam khi KHI lamah i tawng fo turah KAN ngai :)
@luliana : hahaha... a englai pawh khi a vietnam riauva hriatna thlarauvin min luah a ni ber... hehehe.. Damien-a te pawh fapa an neih tawh kha.
@Varte : I tel lovin KFC a awm thei hleinem... Masi dawn / zawh velah bmw a tlanchhiat leh loh chuan sure loh pawn ngei ngei :) haha
Tunlai chu a lem nen ngeia entir i uar ta hle mai! I thlalak a mawiin i comment dan hian an tihmuhnawm zual! Picnic-naa tel ve ang mai kan nia lawm!
I hmel khi a lo Vietnem em tak a nih khi!! :)
Heee...kan khua hi nuam reuh nia thlasik ah chuan, thlalk hi tha bawk a, hmuh nuam hle mai, Ka awm lai chu nise la, kan len kual pui tur che niah...hehheee
I sawi khi a dik chiah, khawvel ramdang beach nuam zawng zawng aiin chhungkaw kima picnic kha awwww..khawvelah kha tluk a nuam a awm lo. Ka lung a tileng ngei mai I pic ho chu, I fate ho te hi ka awt.
Kan tetlai a kan huan a theifeimung ru tu nen in va in ang ve!
Nawm hmel hle mai, chhungkaw picnic chu a zawngchhangthlak ka tih pawl tak ani. Chhungkaw dam tlan erawh a ngai!
- Maisek
Lawngleng pic khi nalh khuupzz mai. Pic #1 a mi khi Achaia ang ras
Engtik kum nge ka chiang chiahlo, tamdilah khian kan thian hovin kan picnic a, nuam khawp mai. Kan chuanna Bus hmaah 'Kan thianho kan picnic dawn ?' tih banner lian deuh kan tar bawk.
Nalh hlom leh pek kop my..Helamah pawh picnic ve ila tha ang..C.Haka,a-dama,choclate-a,new ck kinga te ho vel nen..Brmptra lui kam vlah va huau chakom kop my..
Khovela mi hapening bera U,amc.
@Keimah : Hehehe, Ka hmel chu American hovin an kahhlum bang tlanchhe hmel te pawh a ang deuh reuh tak a nih khi :) A lem a tel hian keini mimawl tan a fiah bik. Bible milem te pawh a awm kha :)
@Jerusha : Thanks. Ni e, thinlung hi a lawm pawimawh le... chhungkua a picnic theih ringawt pawh hi malsawmna a va ni em ka ti thin.
@Maisek : Naupang an awm ve diah diah tawh hi chuan inthurual a har khawp mai, dam tlan lai deuh chan rauh rauh a ngai thin :)
@Alexxfender : I rawn dak lut ve chu a va lawmawm em, thang khiuz. Kei chu Bike sil lai khi a nalh ka ti ber. Pic 1 ami khi ka nau Roberta a nih khi.
@duhawma : Tam dil khi kan kal chak khawp mai, Ka Putea te picnic thlalak vel kan en tawh a. Mahse kan hul-har deuhvah lo chuan kan la tum chhin ngam lo deuh.
@Mama : Thanks. Nia, big boss (Apuii nu) pawh ka hrilh a, phur ve satliah, ruah hi a la sur duh em a lawm le.... hmanni mitthi ruang mu phung min hmuhtir kha ka mitthla ah a la lang :)
@Anonymous : In rawn dak lut chu ka van lawm em, in hmel a tha sawt! :)
Chhungkua a Picinic theilo (sum leh pai neihloh vang nilo) hi a awm theih ka ring!.
Nawm hmel khawp mai. Chhungkaw hlimtak nei te tluka vannei hi he khawvelah hian an awm ka ring lo.. Heng tlalak, ho deuh anga lang, group photo te hi khuareiah in lung tilengtu an la ni ngei ang le.
b-buata : Nia tiraw, hotupa... Picnic ho theih hi malsawmna a ni e.
Post a Comment