Palai tirh tih ri hi chu ka bengah a ri zing angreng khawp mai. Ka u te 2, kei leh ka nau ten nupui kan neih dawna kan lam rik hmasak ber a nih thin vang a nia nge. Zirlai lamah pawh Middle School kan kal lai te, High School kan kal lai te'n Palai awmzia leh an tih tur te, an mawhphurhna leh an pawimawh na te kan zir kur dup thin kha a nia, Pass na ngawr ngawr a kan chhiar te khan kan hriatna a tizau lutuk thin lo erawh a pawi chang a awm thin.
June thla chawhnu lam a ni a. Khua pawh a lum tawh hle mai. Hna lam buaina in min chim bawk vang nge, rilruah thil dang a leng meuh lo. Flowing Tubing Pressure of well head leh Gas Lifter etc ringawt rilru a a cham laiin ka phone bawk chu a ri leh ta ral ral mai a. Tun tum chu ka nu ni lovin ka puzawn (Ka nupui-a pa) a lo ni a. Kan nu nau tan nupui lam sak an rilruk thu chuan ka ngaihtuahna hmar lama kalding lai chu Chhim hawi zawngin a sawhsawn dawrh mai. Palai atan lah an makpa neihchhun kei ka awm ta vung mai bawk si, sawi lo mahse mahnia lo hriatthiam ve mai chi thil a nih vang a niang, phur tak huphurh rilru tak siin palai turin ka rilru ka siam a ni ta der mai a.
Mahni chunga an tlak takah chuan Palai chuan enge a tih tur? Eng thil nge kan va sawi ang? Nula chhungte lo khirh viau se, engtin nge kan tih ang? zawhna tam tak, chhanna hriat mai si loh chuan min bawh chuai chuai a ni ber ang chu. Kan hma-a tihtur awm pumpelh ai chuan fight ve tawp mai hi tha in ka hre thin a, hei kher hi chu ka huphurh ve khawp mai. Kan nau-a leh a nula inlaichinna te a lo that vak loh phei chuan zah fakah lu a chhum hial thei awm mange ti chungin Zoram lam ka pan chho ta a.
Palai tur dang te an lo felin an lo puitling hlauhva, kei chu ka va thu ngawi ve mai mai ang chu tiin Aizawl ka thlen rual rual in a zanah kan va leng ta nghal a. Kan nau-van palai kan len tur a thiannu a lo hrilhlawk chu an lo in man fuh lo nge, a nu tih loh an lo inkhawm bo vek mai lehnghal a, kan nau-va hi a huaisar ve reng reng em maw ni aw tia darkar 1 chuang kan in nghah hnuah kan nula pa ber chu a rawn haw ta chhak chhak a. Kan inhmu 'thut' chuan a barakhaih deuh nge, an ding vang vang a, an inchung lam an thlir vang vang a, kan bulah a rawn thu a ke an per ban chap chap hnu chuan kan len chhan leh an fanu, kan nau tana kan duh thu kan han sawi a.
"E khai hei, kan nau-a hian in fanu hi dil turin min nawr tlut tlut mai si a, keini akara chutiang thu hla sawi tura in ina han chuankai huphurh teh mah ila, in lamah kan in nawr nasa tawh mai si a, zah fakah lu a chhum em lawng chu maw tiin kan rawn leng chawm mai a nih hi, in rilrem loh zawng leh huatthu lam lam a kai te a nih erawh zawngin thupha te pawh kan chawi nghalah min ngaihsak em ang chu maw" tiin kan Upa ber chuan thuhma an hawng a.
Pa ber chuan, " E khai, a ni tak maw? engmah rilrem loh zawng in sawi love, keini akara kan fanu te rawn duh der ve tu kan tawng te chu kan lawm viau zawk tur a lawm, marawh chu hei, a nu nen mai kan awm a ni a, u leh nau chhungkhat laina te pawh kan lo inrawn khawm ve anga, eng ang mi nge ni a, kan tlangvala chu" tiin kei an makpa ber chu min rawn melh ta run mai a. An chhungkaw chanchin, kan nauva hnathawh leh awmna, ka pu zawn hnathawh leh awmna, an unau, a... an hnam thleng chuan vaki tawngthei ang deuh in ka sawi ta zuah zuah mai a, ka sawi loh tur te pawh ka sawi ta ve ang. Eng eng emaw an hriat duh leh an chhungkaw chanchin te, keimahni palai te chenna hmun leh hnathawh te kan sawi ho hnu chuan kei chuan "Hei, in aw ka-ah min hnawlna lam ri hria in kan inhre lova, kan lawm takzet zet a ni. Marawhchu, ni e, chhung leh khat te inlo in rawn khawm anga, rei min rial sak lovin rawn len leh vat kan va duh em, a karah zan khat tla sela, Zirtawp zan te hian kan lo leng leh thei a nge maw chu?" kan ti duk duk a. Pa ber chuan ni e, in rawn palaina a hla tham a, rei han rial pui che u pawh a mawi love, Zirtawp zan chuan in rawn leng leh dawn nia" tiin kan in mangtha ta rih a.
In lama min lo ngaichang ran tu te hnenah kan han in report leh te te a, Inneih ni leh hmun te, a lawm dan tur te kan duh ang kan han sawi tliar tliar a, a tuk tuk leh zan a leng leh turin kan inthlah ta a.
Zirtawp tlai chuan kan tiam hunah kan han thleng leh chat a, an chhung te pawh an lo in ko khawm kim hmel khawp mai. An Pu ber chuan "Hei, zaninah palai hmel kan hmu leh a, min rawn fiam mai mai emaw ni chu aw tia kan inngaihtuah laiin, an ti tak tak hmel te kan han hmu a, keini a kara min rawn duh der ve tu hmel kan hmu leh te hi thil lawmawm a ni a" tiin Tawngtaina in bul an han tan a, zan hmasa lama kan sawi tawh ang zawng zawng deuh thaw kha kan ka atang ngeia la hre ve lo an chhung te an koh khawm hmaah kan han sawi tha leh a. Inneih ni leh hun te kan sawi kai chho ta a. Kan rilru pawh a lo inang khawp mai a, engmah harsatna awm lovin inneih ni, hun leh a hmun te pawh kan sawi fel duak mai a.
Man leh mual sawi an hun a, pa ber chuan "Hei kan makpa neih chhun, helai kan kohhran upa ni bawk hian han sawi sela, a tih ang ang kha kan pawm dan chu a ni mai a" an ti a. An makpa chuan "A, man leh mual thuah han sawi em em tur a awm hleinem, Mizo in dana kan neih Cheng Zali leh Thutphah kha a ni mai a, hnam te pen dan leh hrai te zui diak diak pawh hi tun lai sanah a tul tawh kher love a, Cheng Zali leh Thutphah chu ni teh se" an tih chuan, Paihte hnam an ni a, an man leh mual a belpui zawnga an sawi duah ka hlauh rukah chuan ka thaw huai ta mai a. Man leh mual pawh chu kan sawi zo a ni der mai a. Man khung hun lah mi tihdanin inneih hma zan ni sela an tih chu ihe lova pawm mai kha a ni a.
A lawm dan tur leh thil dang neuh neuh sawi tur hi a lo tam khawp mai, sawi duh nei vek in khata han inkhung khawm chuan sawi fel mai theih tur thil te pawh hi a lo kual thui duh nek mai a, zan dar 11 a ri hnai tawh tih chuan phone no. te kan inpe a, sawi belh ngai leh han inbiak rawn te pawh palai tha seng kher lova phone a in rawn tawn mai turin kan in mangtha ta a ni. In lama kan thu hawn ngaichang rana min lo nghaktute nen kan han sawi khawm zawh meuh chuan zan lai kan pel rawk mai.
Ni e, palai hna hi ka vawi khat thawhna a ni a, ka palai pui te an fel bawk a, ka huphurh ang em em erawh a lo ni lem lova, tawngkam han thluai thlum kual vel erawh tih than loh chuan mahniin kan nui leh tut tut thin.
June thla chawhnu lam a ni a. Khua pawh a lum tawh hle mai. Hna lam buaina in min chim bawk vang nge, rilruah thil dang a leng meuh lo. Flowing Tubing Pressure of well head leh Gas Lifter etc ringawt rilru a a cham laiin ka phone bawk chu a ri leh ta ral ral mai a. Tun tum chu ka nu ni lovin ka puzawn (Ka nupui-a pa) a lo ni a. Kan nu nau tan nupui lam sak an rilruk thu chuan ka ngaihtuahna hmar lama kalding lai chu Chhim hawi zawngin a sawhsawn dawrh mai. Palai atan lah an makpa neihchhun kei ka awm ta vung mai bawk si, sawi lo mahse mahnia lo hriatthiam ve mai chi thil a nih vang a niang, phur tak huphurh rilru tak siin palai turin ka rilru ka siam a ni ta der mai a.
Mahni chunga an tlak takah chuan Palai chuan enge a tih tur? Eng thil nge kan va sawi ang? Nula chhungte lo khirh viau se, engtin nge kan tih ang? zawhna tam tak, chhanna hriat mai si loh chuan min bawh chuai chuai a ni ber ang chu. Kan hma-a tihtur awm pumpelh ai chuan fight ve tawp mai hi tha in ka hre thin a, hei kher hi chu ka huphurh ve khawp mai. Kan nau-a leh a nula inlaichinna te a lo that vak loh phei chuan zah fakah lu a chhum hial thei awm mange ti chungin Zoram lam ka pan chho ta a.
Palai tur dang te an lo felin an lo puitling hlauhva, kei chu ka va thu ngawi ve mai mai ang chu tiin Aizawl ka thlen rual rual in a zanah kan va leng ta nghal a. Kan nau-van palai kan len tur a thiannu a lo hrilhlawk chu an lo in man fuh lo nge, a nu tih loh an lo inkhawm bo vek mai lehnghal a, kan nau-va hi a huaisar ve reng reng em maw ni aw tia darkar 1 chuang kan in nghah hnuah kan nula pa ber chu a rawn haw ta chhak chhak a. Kan inhmu 'thut' chuan a barakhaih deuh nge, an ding vang vang a, an inchung lam an thlir vang vang a, kan bulah a rawn thu a ke an per ban chap chap hnu chuan kan len chhan leh an fanu, kan nau tana kan duh thu kan han sawi a.
"E khai hei, kan nau-a hian in fanu hi dil turin min nawr tlut tlut mai si a, keini akara chutiang thu hla sawi tura in ina han chuankai huphurh teh mah ila, in lamah kan in nawr nasa tawh mai si a, zah fakah lu a chhum em lawng chu maw tiin kan rawn leng chawm mai a nih hi, in rilrem loh zawng leh huatthu lam lam a kai te a nih erawh zawngin thupha te pawh kan chawi nghalah min ngaihsak em ang chu maw" tiin kan Upa ber chuan thuhma an hawng a.
Pa ber chuan, " E khai, a ni tak maw? engmah rilrem loh zawng in sawi love, keini akara kan fanu te rawn duh der ve tu kan tawng te chu kan lawm viau zawk tur a lawm, marawh chu hei, a nu nen mai kan awm a ni a, u leh nau chhungkhat laina te pawh kan lo inrawn khawm ve anga, eng ang mi nge ni a, kan tlangvala chu" tiin kei an makpa ber chu min rawn melh ta run mai a. An chhungkaw chanchin, kan nauva hnathawh leh awmna, ka pu zawn hnathawh leh awmna, an unau, a... an hnam thleng chuan vaki tawngthei ang deuh in ka sawi ta zuah zuah mai a, ka sawi loh tur te pawh ka sawi ta ve ang. Eng eng emaw an hriat duh leh an chhungkaw chanchin te, keimahni palai te chenna hmun leh hnathawh te kan sawi ho hnu chuan kei chuan "Hei, in aw ka-ah min hnawlna lam ri hria in kan inhre lova, kan lawm takzet zet a ni. Marawhchu, ni e, chhung leh khat te inlo in rawn khawm anga, rei min rial sak lovin rawn len leh vat kan va duh em, a karah zan khat tla sela, Zirtawp zan te hian kan lo leng leh thei a nge maw chu?" kan ti duk duk a. Pa ber chuan ni e, in rawn palaina a hla tham a, rei han rial pui che u pawh a mawi love, Zirtawp zan chuan in rawn leng leh dawn nia" tiin kan in mangtha ta rih a.
In lama min lo ngaichang ran tu te hnenah kan han in report leh te te a, Inneih ni leh hmun te, a lawm dan tur te kan duh ang kan han sawi tliar tliar a, a tuk tuk leh zan a leng leh turin kan inthlah ta a.
Zirtawp tlai chuan kan tiam hunah kan han thleng leh chat a, an chhung te pawh an lo in ko khawm kim hmel khawp mai. An Pu ber chuan "Hei, zaninah palai hmel kan hmu leh a, min rawn fiam mai mai emaw ni chu aw tia kan inngaihtuah laiin, an ti tak tak hmel te kan han hmu a, keini a kara min rawn duh der ve tu hmel kan hmu leh te hi thil lawmawm a ni a" tiin Tawngtaina in bul an han tan a, zan hmasa lama kan sawi tawh ang zawng zawng deuh thaw kha kan ka atang ngeia la hre ve lo an chhung te an koh khawm hmaah kan han sawi tha leh a. Inneih ni leh hun te kan sawi kai chho ta a. Kan rilru pawh a lo inang khawp mai a, engmah harsatna awm lovin inneih ni, hun leh a hmun te pawh kan sawi fel duak mai a.
Man leh mual sawi an hun a, pa ber chuan "Hei kan makpa neih chhun, helai kan kohhran upa ni bawk hian han sawi sela, a tih ang ang kha kan pawm dan chu a ni mai a" an ti a. An makpa chuan "A, man leh mual thuah han sawi em em tur a awm hleinem, Mizo in dana kan neih Cheng Zali leh Thutphah kha a ni mai a, hnam te pen dan leh hrai te zui diak diak pawh hi tun lai sanah a tul tawh kher love a, Cheng Zali leh Thutphah chu ni teh se" an tih chuan, Paihte hnam an ni a, an man leh mual a belpui zawnga an sawi duah ka hlauh rukah chuan ka thaw huai ta mai a. Man leh mual pawh chu kan sawi zo a ni der mai a. Man khung hun lah mi tihdanin inneih hma zan ni sela an tih chu ihe lova pawm mai kha a ni a.
A lawm dan tur leh thil dang neuh neuh sawi tur hi a lo tam khawp mai, sawi duh nei vek in khata han inkhung khawm chuan sawi fel mai theih tur thil te pawh hi a lo kual thui duh nek mai a, zan dar 11 a ri hnai tawh tih chuan phone no. te kan inpe a, sawi belh ngai leh han inbiak rawn te pawh palai tha seng kher lova phone a in rawn tawn mai turin kan in mangtha ta a ni. In lama kan thu hawn ngaichang rana min lo nghaktute nen kan han sawi khawm zawh meuh chuan zan lai kan pel rawk mai.
Ni e, palai hna hi ka vawi khat thawhna a ni a, ka palai pui te an fel bawk a, ka huphurh ang em em erawh a lo ni lem lova, tawngkam han thluai thlum kual vel erawh tih than loh chuan mahniin kan nui leh tut tut thin.
15 comments:
Ekhai aw!!! nang meuh in chet chhuah te chuan hmeichhe lam nu leh pa te chu hmin sa an ni mai awm si a..in chhuah dawn in Pi Finali hnen ah a lawmna thingpui lum tur in i chah lawk thlap pek ang maw hotupa....!!
Palai tih hi chu ka la tih ngai miah loh ania..i tawngkam hman vel te rawn sawi leh la maw le ..tih ve hun a hman ve atan...
zawhna:
1) palai na ah chuan thingpuife/chini /bawnghnute vel in keng em?
2) thingpui hmeh tur chhang te in keng em? in ken chuan eng chhang nge hlawhtlinna tur a in ken?
3)Hmeichhe nu leh pa te nen chuan thutthlengsei khat ah in thu ho nge a in opposite in in thu?
4) Eng tin nge in han sawi tan na tawngkam vel te?
5)Palai tur in lo mamawh ve ta thut ta che ila(hlawhtlin ngei duh ve vang in) eng tik hun nge i hman hun tur ni ang?
6) Pi Finali chuan "sakhi thingchunglawn chu a hria a, mahse a la hmu lo" tih ani a ..in palai hma hian a hmu tawh em?
7)Enge in inthlah na tawngkam te?
8) eng ang kawr rawng nge hak tur? necktie leh suit te hak angai em?
A va ngaihnawm ve! Very informative!
Chuan zawhna pakhat chauh. A tawpa "Ka palai pui te an fel bawka" i tih khi tu lam zawk nge i sawi? "Palai pui te" means? Palai tura i kalpui te i tihna nge, hmeichhia chhungte i tihna zawk?
ngaihnawm khawp mai...keini la nei lo tan phei chuan kan hmabak tur a ni tlat mai bawk si. Huhphurhawm rual rual in tawn ve vat chu a chakawm. hehe.
thil dang.. small suggestion. white font on black hi chhiar a har angreng ka tia.. mit a ti vai hman tep lawm ka chhiar tui sia.
hmmm....tlangval senior ho chuan an van bengvar em em...lolzz.
@avena, a mal mala chhan kan tum chhin a nge.
1 & 2. Thingpui fe, bawnghnute chini chhang tih vel hi chu man hlan zana ken thin a ni awm e. Keini pawh man kan hlan dawnah kan ken a tul hmel. Hmeichhe man kenna bag pawh hi an la nghal tlangpui.
3. Palai hi 3 kan ni a, kan len vawi 1 naah chuan a rem rem ah kan va thu mai a, a vawi 2 na ah chuan kan thut tlar thapna tur an lo dah awl a, an chhungte ho an lo inko khawm hle bawk.
4. Paragraph 5 na ami ang khi a ni mai.
5. In venga i chenna kan rawn zawn hunah pawh "Avena te in in hria em?" tih kan tum hleinem... "Avena'n a hria che u em?" tih tum kha kan ni a, I tan chuan hman leh hman loh hun a awm nang, engtik lai pawh hi kan hman hun a ni mai. Palai tirh ngamna hi han fianl phawt mai la.
6. Sakhi thingchunlawn vel chu amah zawh mai a va tha em :D
7. Inthlahna tawngkam vel chu post hi la edit & addition a ngaih hmel khawp mai.
8. Dress code vak pawh a awm lo, khaw lum lai a nia, chanvo neih loh inkhawm pangngai dress kha a ni deuh mai.
@illusionaire :
"Ka palai pui te an fel bawka" tih khi Palai-a ka kalpui, ka thiante tihna a ni e. Thanks for the comment.
@Mosa: Thanks for your encouraging comments. A font color pawh kan thlak a nge.
@cute_lady, nia hei, an tum hnai ve tawh hlawm a niang, @sandman phei hi chu....
comment hmasa ber tu khian a va zawt chik che ve... final khelh hun a hnai tawh viau a niang a!!!! hahaha
luliana te ang a final pui tur kan hmun hunah la ron rawn ngei che a ngai dawn a nih hi!!! lolzzz
btw, good post!! :-)
hotupa chu lo va ropui thin ve !hehe
@cute lady - nangpawn palai an rawn tirh hun i chak ve tawh. ka hre vek ania auh.
Pu Dazo myself chu Aizawl tlangah duh duh thlangin a thu tawh bawk a, i lo palai sak ve dawn nia !
I ziak tha khawp mai palaia kal ve tur te tan entawn chi a nih khi :-)
@amanda, chuti emaw ni le...Pu Dazo te ang hian kan hmaifang ve mang si lova, kan fu ke bawk si lo, kan ruangam bawk si lo...mi BA failed rilru hnual lai zawng in kan tei ruk ruk mai chu anih hi :))))..Pu Dazo mai bak ah Kanidari ngei mai kha a rawn chet chhuah hun nghak in ding di hlip in kan lo thlir zawk alawm.....bangalore lam ah nangni tomato anga in taih laiin , keini chuan kanidari tlumtea thlir tak in kan lo thlir hrih zawng chu anih hi :))
@wonder, Nia, Final a luh pui turah a buai deuh a ni mai thei, Nge Kulikawn lam ah te ri hlui an va rit leh dawn zawk nge.. :)
@amanda, thanks. Nia, @myself chu nula hovin an chim deuh ni tur a ni, thingpuife leh chini an heh sawt a nu'n a tih kha maw le :)
@myself, Mizo tawng pawh i la dek nal viau hi maw le...haha In keartui vuanin kalsiam kan zir ve chhet chhet chauh a nih hi maw :)
"Palai hna" han thawh hian SHU a ti sang viau anih ka ring..pi Final-i, an inneih hnu ah hemi zan hi ala hlim ber zan ani e an tia lawm...:D
Hman ni chu vaivakawn atanga dawrpui vengthar kal tlang a bazar bungkawn pan chhoh na kawng ah khian kan tlan chho a... kanidari te in awm ang deuh tur ka melh chho nasa mai maw le...chil per sawr sawr a KH-i hmelthat zia a han sep kual vel..ngaihnawm tih avanga ka ang phuau a ngaihthlak hun a chakawm tawh hle mai!! "in lak mipa viau pawh ani lo, dawi deuh mep mep ani zawk" tih vel atanga a han tran kual vel tur te ka ngaih tuah a beng a za lawk thei alawm maw le :))
@myself, SHU.. hahaha
Sept thla khian in veng thenawm ah rawn chhuah chhoh a ngai a lawm, a nung chungin rawn hmuh che ka chak tawh khawp mai. Phuihnam leh Sangha chhum chauh ring mi atangin Vawksa rep ei thei dinhmunah lo in hlangkai la :D
Post a Comment