Kum 100 chuang liam tawh a Oil zawnchuah lama mi hmasa te sulhnu tam tak a awm avangin Digboi tih ri hi chuan beng a verh khawp mai. Primary sikul kan kal lai te pawhin "Digboi-Khawnvartui laihchhuahna" kan lo ti rual dual dual tawh bawk nen. Thil ropui tak tawng tura beiseina rilru pu lo mah ila, han hmuh ve reng reng chakna chuan min tur chhuak a ni ber e. A thu a ziah vak aiin tun tum chu, a thlalak lamah tang deuh ila, kan rawngbawlna(!!) a tla tha zawkin ka ring.
He oil khur hi India rama commercial Oil well hmasa ber a ni. A data neuh neuh kan hriat duh tur ang hi chu a hnuai pic. ah khuan a in ziak a, kan chhiar thei hlawm ang chu maw.
Well No.1
A bula thu inziak.
Typical 'Digboi' Oil FieldDigboi hi a tlangram chet ve deuhva, an oil field pawh kan hmuh ang khian mual pawng kara awm ve tho a ni. Mobile Tower ni awm tak thirban sen awm fur khi 'Derick' an ti a, oil khur hiah fai nan a hman a ni. Oil khur han tih hian tuichhunchhuah ang deuh kan mitthla a ni mai thei a, a ni lo, Ground Water Tube Well ang deuh hian pipe lian vak lo lei chhung ah a in phum thla a, chuta tang chuan crude oil te hi lakchhuah thin a ni.
Crude oil rual hian thil tam tak zingah wax (sathau a ni em?) hi a rawn tel ve thin a, chu chuan crude oil lak chhuahna pipe phum (tubing) te kha a hnawh thin a, rih fai / verh fai a ngai fo thin. Chutiang atan chuan khitiang tower (derick) khi a tul thin.
Oil laihchhuah process lamah kan kal thui lutuk loh nan, Centenary Museum lam in thlir daih teh ang. A hnuai a pic khu sap ho awm laia an sulhnu an kalsan te an ni.
Sap Nupa leh an Car ni awm tak, Petrol/Kerosene an thun na hlui-ah.
He Car leh Petrol pump hi a tak tak, sawi tawh angin British hovin an hnutchhiah kha a ni a, car details lam erawh ka lo capture lo tlat mai. Petrol Pump ah hian Petrol nge an thun aw, khawnvartui tih ngaihtuah a ti thui khawp mai...
Petrol Pump? hluia a fuel rate. Car khian kerosene hmang maw.
Hei hi chu Petrol Pump dik tak a ni ta...
Horse-Drawn Fire Extinguisher pawh hi a danglam bawk a, vawm bei mai mai a nge.
Petrol Pump? hluia a fuel rate. Car khian kerosene hmang maw.
Hei hi chu Petrol Pump dik tak a ni ta...
Horse-Drawn Fire Extinguisher pawh hi a danglam bawk a, vawm bei mai mai a nge.Khaw hawi ti zau deuh ila, He museum atanga hla vak llovah hian Park nuam ve tak mai an siam a, a background ami saw Asia a Refinery hmasa ber Khawnvartui thlitfimna kan tih kha a ni ngei e.. Lawnglenga kan inkar vel leh Pangpar bul vela kan '..Yeh dosati...' vel chu tilang rih lo mai ang :D
Digboi Centenary Park
7 comments:
percussion method tih khi enge a awm zia le aw??i digboy zin chu keinin bengvar phah nan kan lo hmang a azia awm hle mai..etaka mimi Lalzamliani hman ni ah kawng a kal lai ka hmu tak asin..ka rawn hre chhuak zawk che alawm :)
Pu Myself.
Ni 3 lai mai Emotional Inteligence training kan ti a, kan han cocoon lawk a lawm le. Sorry for delay.
Well verh dan hi chi hrang hrang a awm ve a, well thuk lo te te, water tube well etc ah chuan Percussion method hi an hmang thin. Digboi ami pawh khi a thuk loh hle khi (202 m depth only). Thuk lo te te ami a zawh tawh hlawm avangin thuk tak tak (4/5 km, some of our records are 7km!) verh a ngai thin a, Percussion method khi chu a hman theih tawh loh.
A verh na lu (Drill bit) kha lian leng leng (+50 kg) an vuah a, drill stem ah hruiin an thlung a, chu hrui chu pawn lama an tripod a pulley ah zemin a sawh in an sawh verh thin. Khi aia fiaha sawi thiam a chakawm khawp mai. A la chiang loh deuh leh Post thar kan la siam ang chu.
Kawrchung thar chu engtik nge i hak dawn tak le?
Asomia leh Hindi ngei maia Motor Spirit tih inziakte pawh ka la chhiar thiam sawk sawk e. A ngaihnawm hle mai. Lakhimpur District khi East Siang (Arunachal) ka kalin ka paltlang ringawt a, tunhmaa Medical College hnaivai kan neih thin hun lai ka hrechhuak rum rum e. Lung a tileng, dam lohna avangin ka chhungten 1960s khan an pan zing ve hle thin.
Digboi Oil khur chanchinte pawh Primary School-ah kan zir nasa ve hle a, hei hi a picture ka hmuh vawikhatna a ni hial. Min zirtirtute pawh khan hmu bik miah lovin min zirtir ve mawlhin ka ring. Upper Assam rau rauvah Goalpara lamah ka awm tlat thin thung a, khilam Assamese hi chu a bawihno riau bik!
@Pu Chawnghilh, nangni meuh helamah in rawn tei lut ve chu a va lawmawm ve le.
A Picture te khi handycam atanga ka capture an ni hlawm a, HD lo lehnghal. A fiah lo rei ruai khawp mai, nang ni en atan chuan a inthlahrun duh khawp nia :D
Ni e, Goalpara lam chu an cultural thil velah an indah sang zawk asin. Keini lam (Upper Assam) hi chu an che Thailand mah mah. Tai Ahom (Thailand atanga rawn pem lut, Asomia-Akhomia ni ta te) an tam, an nun zia pawh a tribal ve khawp mai.
Vawksa pawh an heh hle :D
He post hi han comment dan vak pawh ka hre lo...ka rilru sen loh na lam chi tak mai a nia!! Last photo a mi palm tree ang deuh khi...nalh khawp mai. Buarpui chempai a ni em?
-bmw
@bmw, Gerep tui sawr lam kan la ziak dawn nia :-) Buarpui Chempai a ni lo, Sial-Lu a nih khi. Helamah chuan Troco an ti, a hnah khi In/Thlam/Chhek In/Bawng in etc chungah an chih thin. Di a tluk lo ka ti na chu, tha ve tak a ni.
a hmun hi a nawm bakah lunglen thlak ve riau,la tlawh lo chuan tlawh ve ngei chi a ni.
Post a Comment