Chung ai mah chuan "Vawiin kan chawl ve hlauh" hian boruak a ti nuam te pawh a ni mahna :) A awm tawk nau ka chhawmchhaih hnuah ka Camera ka hum chhuak a, inhmul thuar tham vel bak vak thleng pha ve lo chuan kan hawl phak phak a awm, a chhia emaw a tha emaw hi han click ve leh chawr ila, click 100 ah chuan click 3/4 te chu hmuhtlak a awm mahna tiin kan pal sir chu ka veh phei tham tham a.
Kan thenawm in ruak, hnim zet mai pal karah chuan Ram Phuihnam hi a lo par chiai mai a, a sen tak tha bawk a, mit a la zar mai.
Khawnge, duh aiin a fiah lo tlat, in bih hnai chhin teh ang
A piah deuhvah chuan kan Ar-fanghma zuai tawh lam chu a lo la rah tang ve nal nal a, a tam laiin thla ka lo la kha ka inchhir leh rum rum. Ar-fanghma hi helamah chuan K/Gunduli an ti a, tunah tak hian Kg ah Cheng 40 a ni. Kan ro rep hian a tui ka ti khawp mai.
Kan melh kual leh viau na chu, mit la tak a vang khawp mai. He hnah hi Bekang um nana kan hman thin a nia, theipui kung ang viau mahse a rah ve tlat lova, Locals ho chuan Demow an ti. He thingkung hming chawi hian khua te pawh a awm nia. An hnam serh leh sang thil a engemaw an tih khawm hian a hnah hi an khawr a, thleng (plate, thali), khuhhriang (bowl) etc atan Chaw ei nan an hmang thin. Vawi 1 Bekang kg chanve lek um nan hetiang hnah hi ka lak tir a, chutiang thleng ilo vel siam nana ti emaw min ti a ni chek ang cu, Bolero savawm-bawm khat thur hian an rawn la a, Kg chanve Bekang um nan chuan kan indaih mah mah a ni :)
Ruah a rawn sur ta chiam mai a, ruah sur thla ka lak erawh han phawrh tlak lawi a awm lova, vanneih thlak tak maiin ruah a han chu mawi em em mai hian Chhimbal a rawn zam raih mai a, kan click thin, duh angin a fiahfai thei si lo, camera setting ka khawih vel chhungin a ral leh ang tih ka hlau si, heng te hi ka hmeh chhuah theih chhun chu an ni, duhthu a sam lo viau na chu hei aia nalhin click thiam miau hek lovi!!
15 comments:
3rd pic chu fiah nalh khawp mai
Phuihnamchhe par chu a va nalh reuh ve, arafanghma pawh naupan lai chuan kan ei thin, avira vir ta ngang nge kan nih a, ei tur kan duh ve hrim hrim ka hre law..
I thlalak pawh a nalh hlawm e, khawdur kara ni eng mawi tihte ka rilru-ah a lo awm.. chhimbal vang khi ni ngei ang.
@benjamin rualthanzauva, thanks.
@varte, Arafanghma hi ni e, kan naupan lai khan a rahna hi kham pang awih deuhva zam ah hian a ni thin a, lawh a har em thin avang khan a hmin tla kha kan ei thin. Mahse hei, chawhmeh ah kan ei ta zawk, tunah chuan.
Thanks.
In sawi takah chuan ka hrechhua, chhimbal hi ka hmu khat khawp mai tunlai chu...
I hmel phu lovin i kut a hlei bawk a, chhawp chhuak nalh thei khawp mai :P
@lulian, keini kuthlei dan te chuan tu nu leh pa rilru mah kan tina hleinem :) :)
N Vanlaiphai lam pawh rawngbawl sak tur a hmu mah mah emaw ni, Hospital lam aiin Agri office lamah a regu' zawk a ni awm e :)
phuihnam khian ka trah a ti chhuak.... :(
hei hi khawi hmunah maw?...i blog hi luliana blog atrangin ka rawn bih dek dek a, pics a load zo thei lova, ka en chak sia, kan refresh leh ngat a...phuihnam khian ka lung a ti chhe tawps :D
thlalak a fiah thei hle mai,a mawi em em vek...Pic 3 leh 6 hi ka duh zual khop mai
lolzzz...agri ofis a thawk ho ha hi a bal fur ang tih a va hlauhawm ve chu...haha
@VC, ngatinge i lung a tihchhiat a, phuihnam khian? i rawn dak lut ve hlauhva, thanks. A hmun maw? murmu te veng a nih hi, Assam lam.
@craftsmen, thanks. Ka rawn ti deuh zauh zauh ang, Bial Musical Meet kha ka awm ve chak khawp mai, a hnung ber tlarah lo thu ngawi kur ila :D
@lulian, Vahrit sa puah tur pawh khan Nurse leh Agri lam an in hruipawh deuh a ni awm e :D Thian-a hi a han che viau niin ka hria :)
phuihnam/chhia parsen ka vawi khat hmuh na.ka hmuh ve tawh chu a par a var vek...... Ar-fanghma pawh vawi khat hriat na tho:..............bekang um nan erawh hnahkiah hnah an hmang thin,vawi khat naupan laiin hnahkiah thingbung ka pu ve a ka nghawng ah pangrem a bet kan buai khawp mai he2. :....:....... Myself
@myself, khi chu a par sen chi a nih khi :D Phuihnam-chhia par hi a var thinin keipawn ka hria a, hei chu Phuihnam family ngei chu a ni si a, a par a lo sen vut mai nen, Ram-Phuihnam ka ti ta ngawt a :D
Hnahkiah hi kan vengah a awm ve lova.... Gaum-Jan-Di leh Gujun-Pio te thlalak i va rawn vawm bei har ve maw le :D
ka pu Dazo, i photo hi a mawi hlawm lutuk a, fak lo che a han chhuah ringawt ka thei lo :-)
Sawiselna lai tur ka hre eih lo. Last pic hi ka hmu awn deuh tlat...nge ka hmel hi a awn ve hrim² zawk?!!
-bmw
Avan fiah tha kek kuk hlawm em! Hmuh a hahdam hle mai.Btw, ka blog-ah ka lo link che nia, pawi lovang chu maw!?
@bm, thnaks. Nz last pict khi ka duh aiin a lo he mah mah, mahse PS a han siam vel kha i ngaisang si lova :D
@seki, Thanks. Link pawi ti lo nasa, thanks. In fact, it's a great honour for me to be linked!!
I la tha viau a lawm le... tawnfuh a har tehlul nen.. a Chhimbal a hi a kual thui tha si a. A hnuai zawk hi a nalh kher mai..,
Post a Comment