Pic 1. Rural Road nei chhe ber pawl tura ka ngaih, Assam hian an lo nei chhe lutuk hauh lo mai. Nge ka kalna lam hi sawrkar ngaihsak hlawh khua an ni zawk, mar tluang tha fuu... Helai hi Moran to Bamunbari (Thingpui fe chinna hmun leh Oil mines awmna hmun pakhat) inkar kawng a ni.
Pic 2. Thingpui fe huan in kawng lehlam lehlam chu a cham put tluan chhuak a ni deuh awm e a. Khaw lum sa hulh hulh a ti dai khawp mai. Chhun nisat lai phei chuan hmun hring dup hian khaw hawi a ti nuam viau zel.
Pic 3. A hnuaia mi hi an thingpui kung phun thar na tura an buatsaih a ni.
Pic 4. Sintex tuizem ah hian Thingpui al (salted tea) an dah a, thingpui huana hnathawk te lunch atana an sem a ni. Tiffin an rawn pai vek thin na chu, hmanlai atanga thingpui al hi an lo sem thin a ni a, hemi tel lo hi chuan chaw-chhun an ei ngai mang lo. An in hnem thei khawp mai, chaw-chhun ah hian 700 ml theuh in ang vel an ni!!!
Pic 5. An thingpui sih (a hnah chung ber leh a dawt pahnihna thleng hian an sik thin) sa hi khilai Nihliap lian hnuai ami te khian an lo buk zel, an sih tam dan a zirin an hlawh pawh a tamin a tlem. Kg ah engzat chiah in nge an sih hlawh ka hre ta lo.
Pic 6. Thingpui Huan karah Buh hmun a awm bawk. A phe lutuk a, tarlan tlak ka nei mai lo. Hei hi Assamese hovin buh an chhek nan a an sak a ni. Thingtlang in tinin an nei, a then Mau chaka sak ni mahse, a ban hi Brick+cement in an ti tlangpui thung.
Pic 6. Thingpui Huan karah Buh hmun a awm bawk. A phe lutuk a, tarlan tlak ka nei mai lo. Hei hi Assamese hovin buh an chhek nan a an sak a ni. Thingtlang in tinin an nei, a then Mau chaka sak ni mahse, a ban hi Brick+cement in an ti tlangpui thung.
Pic 7. Bamunbari khua chu. A lian lo, mahse Thingpui huana thawk te chak lakna ve ber a ni.
Pic 8. Hei chu an sub-centre ve a ni. "Mum uk bak kan nei lo" an lo ti ve a ngem aw??!!! :)
Pic 9. Helai Deroi khaw thlen hma deuh hmun hi a mawiin thlir a nuam hle mai. Thla pawh hi ka lak fuh pawl tak a niin ka hria. Mawi tak a ni.
Pic 10. Oil mine tih takah hetiang Indirect Heater leh Oil exploration nana hman thil chi hrang hrang hmuh tur a awm zut mai. He Indirect Heater hi chu Pipe a crude oil an thawnna ah crude oil a WAX (sathau) awm ve ten Pipe an tih jammed loh nan kawng (pipeline) lakah tih sat/tih lum nana hman a ni.
Pic 11. Tingkhong Sawrkar Damdawi In. An in sak duh dan en hian, Ahom ho, Thailand lam atanga rawn tla thla hnam helaiah hian an bit hle tih a entir awm e.
Pic 12. Rajgarh khua sikul naupang sikul bang pawh hi te lang ve ang.
Pic 13. Naharkatya. He khua hi kum za engemaw zah ni tawh mahse, khaw hmasawn lo pawl tak a ni awm e. A khaw chhung kawng a chhe em em a, a khu em em bawk a, in leh dawr te a hlui em em vek mai a, khaw nung lo pawl tak a ni awm e. Nat. resources an neih that nen, a chhunga cheng mihringin an zir loh chuan, ram leilung hausakna ringawt hi changkanna a ni lo tih min rin nghet tirtu pakhat a ni.
Pic 14 He lui hi Buri-dihing an ti. Tlawng lui let 3 vel a nih ka ring. Driver side lam ami rem lo deuhva ka va click a nia, fiah taka lak a chakawm khawp mai.
Pic 14 He lui hi Buri-dihing an ti. Tlawng lui let 3 vel a nih ka ring. Driver side lam ami rem lo deuhva ka va click a nia, fiah taka lak a chakawm khawp mai.
9 comments:
a hmuhnawm hle mai..naharkatia khaw hming hi a mawi phian ka ti, thian poh ka nei nghe nghe asin..pics ron ti zel teh..hmuhnawm thin a nia..
ruata
Bengvar thlak hle mai...photo lah chu nalh hlawm em em bawk sia. Nang hi chu reporter pawh ni la, i hnem em em dawn tho a lo nih hi a!
Thingpui al chu ka van in chak lo ve mawle :-)
He tea plantation ah hian an process nghal nge tihian a raw in factory nei te hnenah ah hralh leh? Ka visit ve chak khawp mai.
-bmw
e... i picture a nalh hlawm e,motor tlan laia lak hi buaithlak ka ti kei chu.
Ram hring dup, nawm hmel deuh leh kawng mam pur lo lan hnu-a ami chengte hmel rawn lang chu aw.. a va 'bam' ve :-)
@ruata, nia, a hming a mawi, a leilung pawh a hausa,,, mahse nula hmeltha deuh thaw-uih ang vel an ni :)
@bmw: Thingpui al chu i rawn zin hunah ka lo khilai ang che :) Tea plantation naranah chuan process lova, tea-factory a awm ve thluah a, tah chuan an process thin. A neitu erawh Sap ram lam an ni fur!!! Tea Process dan vel post ta ila, a technical lutuk a ngem? :D :D
@varte, Welcome & Thanks. ami chengte thla ka lak a a hmelchhia chhia ka post a nih khi, kawppui neih tawh chuan tiang hian pawi a sawi lo ber :D :D Tak taka, an hmel a chhe tlangpui nia. Khawvel hmasawnna hian a thlawh pel thin hi an khawngaihthlakna a ni.
A van nawm hmel em ! ASSAM hi ram nuam tak ani tih ka lo hre ngai lo;heng thlalak hian Assam chu ram nuam takah a chantir ani ber e!
Thingpui huan han tih mai piah lama, thingpuife huan han tih deuh kher te hian ati chiang bik riau mai! A fe awm nghal Thingpui huan chu a tha ngawt ang le! :-D
A bengvar thlak hle mai a.
Assam ram thingtlang i rawn thawh a lung a ti leng, a bik takin thingpuihuan ho khian. Dibrugarh piah thingpuihuan kan hman deuh tawh khan kan tlawh ve tawh.
@seki: Assam ram lei lung leh a phai hleuh hi hmun hrehawm a ni lo. In ramah hian Mizo chu awm ila, thla ah kan in kapkai tawh ang ka ti fiamthu thin. Ei leh in, khawsak a awlsam em em a, rual awhna nei an la tam si lo. An changkan tur angin an la changkang hleithei lo a ni.
Nia, Thingpui Fe huan...hahaha... ka lo ti a ni maw, nia, thingpui huan tenau tih loh hi chuan Factory an nei nghal zel a, a FE pawh a awm nghal zel a nih khi :)
@Te-a : Thanks. Rawn lut fo la ka van ti.
@mesjay : Nang meuh i rawn lut ve chu a va lawmawm em. Nia, Upper Assam a kal chuan Thingpui Huan tlawh lova kal chu a ho lam deuh. I rawn zin hunah Oil laihchhuahna ah ka hruai ang che, i peih chuan :)
An thingtlang kawng te chu keini National Highway nen a inang deuh reng a nih hi! I thlalak en a nuam e! A temperature a lang lo va,:) a lum viau em??
Post a Comment